Når sommerdagen ligg utover vannet...

...og du og eg har funne oss ei strand...

*

(bilete er utsikten fra terrassen utover Skjoldafjorden, fredagsmorgon)

*

Det gjere me kvar kveld,

og temperaturen i sjøen er nærast pisselunka

som me sa som ongar:)

*

*Ha ei fin og god sommarhelg du som kikkar innom*

Klem H

Vidunderlege sommarkveldar...

...og dagar,

men dei får eg ikkje nyte på samme måten,

siden eg er på jobb nesten kvar dag.

På terrasse er det herleg å vere om kvelden,

men på dagtid er det altfor varmt i solsteiken.

Eg har nå kjøpt solseil som eg skal prøve å sette opp,

og sjå om det kan gi litt skugge.

*

Rasmuspusen søkjer skugge under bordet på terrassen,
og eg likar å stulle og stelle der ute,
med blomar og nips og naps.
*
Denne lykta trong ei oppussing,
og etter at glasa var tatt utav og skrubba,
så fekk ho eit par omgangar med sinkspray.
Nå er det ei sommarlykt i staden for ei julelykt.
*

Om ettermiddagen etter jobb køyrer me til Ålfjorden

og Skjeljavika for å bade.

Det er ein fredeleg plass med sol langt utover kvelden.

Til mi store lukke så oppdaga eg at blåbæra var modne.

Eg må berre hugse å ta med noko å plukke i, neste gang.

Ein vert ganske mett av å spise blåbær...

Rop på sommer`n, så kommer`n...

...og jammen meg så hjalp det å rope.

Her er det sommer, sol og varmt,

og med 26 grader i skuggen så er eg fornøgd.

Sjølv om eg er på jobb så er det flott med fint ver:)

*

På laurdag klarte eg å få med meg 2 loppemarknadar,

først på Stemnestaden i Grinde og så i Vikebygd

der dei selde ut ting fra gamleskulen i lag med "Vikebuen".

Eg fann masse fint og var så fornøgd.

Plansjen over kjøpte eg i Vikebygd.

Eg kjøpte 1 plansje til, 1 stort kart, 2 bøker

1 koffert, 1 sausenebb, 1 ramme og 1 gamal stol fra skulen.

*

På Stemnestaden var det eit stort loppemarked i fleire hus og ute.

Der var eg på jakt etter gamle dukar, blonder og div tekstil.

Eg fann masse fint, og duken over er der fra.

Den er handbrodert i nydelege sommarfargar,

og har ei brei kniplingsblonde rundt kanten.

Elles fann eg 4 overlaken med innfelt blonde,

3 putetrekk,

masse små broderte og hekla brikker,

5 store broderte dukar med blondekant,

2 kvite gamaldagse forkle,

1 linhandkle,

1 sausenebb,

2 små noregsglass,

1 kakeboks

og sikkert noko eg ikkje kjem på.

Dette er skattar som eg skal bruke til mykje kjekt,

men ein del ting er så flotte at dei skal få vere slik dei er.

*

Her vest har me hatt fint ver lenge,

men det har vore vind og ikkje noko varme.

Denne veka kom sommarvarmen

og då er det koseleg å pynte ute på terrassen.

Pilstativet har eg fletta,

og i krukka har eg planta ein klematis

som kan få klatre på stativet.

På bordet står eit lite oliventre

som eg kjøpte for gåvekortet eg fekk av 10.kl

etter maledagen eg hadde ilag med dei.
*

Peoner er så nydelege,

og eg har hatt fleire bukettar i sommar.

Eg har ei plante ute i hagen,

men den prøver Rasmus, etter beste evne,

å ta knekken på.

Nå står det berre ei stakkar pjuskete grein igjen...

Rampepusen*
*

På St.Hans, som også er bryllupsdagen vår,

ba eg med min kjære ut på middag.

Me tok turen til indre kai i Haugesund,

og spiste middag ute på N.B.Sørensen.

Det var eit nydeleg ver,

og herleg å sitte ute på kaien og nyte maten,

kikke på alle folka, og berre slappe av.

(maten var god, men servicen var ikkje noko å skryte over)

I går etter jobb drog me på badestranda,

bilete nede til høgre.

I Skjeljavika er sola til kl 22 om kvelden,

og då er det fint å gå der etter jobb, ta med mat, lesestoff,

og nyte sola og slappe av i nokre timar.

Eg bada ikkje i går, men det skal eg i kveld...

Juhu:)

Ha ein flott dag,

og håpar sommaren er komen til deg også.

*

Klem*

Bryllupsdag

*Atterklang*

Første gongen eg møtte deg-

kor kunne eg skilja og sjå

at ingenting mindre enn

livet mitt var det som byrja då!

Det som var varmt og mjukt i meg

det som skulle veksa og vara

klang ikkje ut til fullnads

før hjarta ditt svara.

Sigmund Skard

Helg...

...igjen,

og fredagskvelden

som er den beste i veka

skal nytast etter at eg,

og forhåpentlegvis min kjære,

har vaska huset til helga.

*

I morgon er det dobbel 40 års dagsfeiring igjen.

Me spring i bursdagar annakvar helg for tida,

men det er veldig koseleg.

I morgon er det bestevenninna mi og mannen hennar

som skal feirast ute på hytta deira.

Det gler me oss til.

*

Får berre håpe at regnet stoppar

og at sola kikkar fram,

siden me skal vere ute.

*

I dag har det bøtta ner,

og det var kaldt å gå i sandaler og berre tær,

men er det sommar så er det sommar...

Brrr, 10 grader i dag...

*

Slik såg det ut tidlegare i dag.

*

Ynskjer alle ei fin og god helg,

og masse SOL.

Søndagstur

Søndag reiste heile familien på biltur til Holdhus i Eikjelandsosen,

der me skulle besøke søskenbarnet til svigermor.

Holdhus må vere ein av jordas mest fredelege plassar,

og skuldrene senka seg med ein gong eg gjekk ut av bilen.

*

Huset til Aud ligg på ein høgde ovanfor kyrkja,

i ein nydeleg gamal overgrodd hage.

Akkurat slik eg elskar, og gjerne skulle hatt sjølv.

Det gjorde godt for både kropp og sjel

å tilbringe nokre timar i, og utanfor dette huset.

*

"glede finner du i

hverdagens små

øyeblikk"

så var mandagen her etter ei travel helg.

eg og frøken fryd har vore i sveio på marknad

både laurdag og sundag.

det er kjekt å få presentere butikken for nye kunder,

og det er slett ikkje langt fra sveio til skjold.

eg hadde med meg mykje forskjelleg,

og det såg ut som utvalet falt i smak.

i dag var det å få ting på plass, og rydde litt i butikken.

*

eit par nye kjolar er blitt til også.

ein rosa og søt barnekjole,

og ein romantisk grå kjole til sommarfesten

for ei søt dame.

kjolane finn du her
*

sommarfuglcollage og lavendelsåper

innpakka i ark fra ei bok fra 1895,

pynta med hyssing og sinkkors.

*

i dag tidleg skein sola fra klår himmel

og fjorden låg speglblank,

men nå har det sky over.

eg har tenkt å plante litt

og gjere noko i hagen i ettermiddag,

så eg håpar sola kjem fram igjen.

*

dagane og kveldane går altfor fort på denne tida av året.

eg vil gjerne bestille nokre ekstra timar mellom kl 18-23...

*

så vil eg ynskje alle ei fin og god veke,

og vips, så er det helg igjen.

***

på onsdag skal eg og min kjære til

bergen på konsert med "the boss",bruce springsteen.

*gjett om eg gler meg*

Fantastisk helg og vinnaren er ....

i pinsehelg kom sommarvarmen her på vestlandet.

det å kunne gå ut på terrassen tidleg om morgonen

og kjenne sola varme, det er berre fantastisk.

helga har vore både festleg og avslappande,

med dobbel 40 års feiring

av ei venninne og ein kamerat

på laurdagskvelden,

og horisontal stilling på terrassen

søndag og mandag.

*

eg har trekt ut 3 vinnarar av eos konkurransen,

og det er jeanette, gawo og minishabby

som får kvar sin eos fra frøken fryd.

nye smykker er lagt inn i skattkammeret

der du finn kun handlaga produkter fra meg.

to nye kjolar er også komen til,

og fleire er på veg,

innimellom bestillingar.

*

ha ein fin dag,

og eg håpar sola skin der du er.

Ein grunn til å smile...

rykande fersk eos lip balm er komen inn i butikken i dag.

3 nydelege smakar,

honneysuckle honeydew, summer fruit, sweet mint

som alle gir utruleg mjuke og glatte lepper.

dette er sommarens *må ha*

eos finn du i nettbutikken

*

vil du ha ein eos?

legg igjen ein kommentar så trekker eg ein av dagane.

ps. skriv kva for ein du vil ha.

Bønner og betragtninger...

...heiter ei bok eg kjøpte på loppemarked for nokre veker siden.

den var gått i oppløysing, og nesten alle blada var lause.

har difor ikkje dårleg samvit

fordi eg pakkar lavendelsåper inn i ark fra 1895....

* eg skal vere med på to marknadar i juni,

ein i Sveio og ein i Skånevik.

prøver å lage til saker og ting som er i gamal stil

siden det er torgdag i Skånevik,

og dei oppmodar alle til å kle seg ut i gamle kler.

så får eg endeleg prøve korleis det er å vere torgkone.

Veggord / wallstickers

kjempeflotte veggord/wallstickers

er nett komen inn i butikken.

Kikk inn her om du vil sjå meir.

Glede

å vente på en glede

er også en glede.

***

fleire mandagstema finn du her

*

O lykksalige fredag

så herleg å vakne til sol som strøymer innover golvet,

og når golva er nyvaska kvelden før

så går det an å ta bilete også, hehe.

*

eg skal ha vinklubb ilag med 4 venninner i kveld

og brukte kvelden i går til å rydde og vaske.

(Ps. min kjære vaska badet)

det er godt å vaske på torsdagskvelden

så kan me bruke helga til koslegare ting.

*

sofakroken har fått nye puter

sydd av kjøkkenhandkle fra bloomingville,

og duken er eit overlaken kjøpt på fretex.

*

turen går ut på kjøkkenet der de får sjå saltet mitt,hehe.

saltet kjem fra øya læsø i danmark, og er verdens beste.

har du først smaka det, så vil du ikkje ha noko anna.
*

eple er ein av mine favorittfrukter,

så nå ser eg fram til dei gode norske kjem i salg.

epletre ønskjer eg meg til hagen + ein masse andre ting:)

*

i eine kjøkenglaset står ein stor pelargonium

for å skjule litt innsyn.

her skulle eg ha funne på noko lurt som hindrar innsyn,

men slik at me kan sjå ut.

det er eit nytt hus under bygging,

og det blir litt nær oss,

faktisk veldig nær....

*

ute på terrassen har eg sett ei tomatplante

som eg kjøpte meg i veka.

eg har ei med vanlege tomater og ei med sherrytomater.

siden eg aldri har prøvd å dyrke tomater før

så lurer eg på korleis dei skal handsamast.

eg har sett dei ute på dagen, men tatt dei inn om natta.

er dette rett eller gale???

*

rosa margerittar i blomekassane i år også,
men gløymde å kjøpe til den eine...
jaja, får ta det ein annan dag.
i kveld skal eg som sagt ha vinklubb ilag med 4 venninner,
og har bestillt reker som min kjære skal hente etter jobb.
gjett om me skal kose oss med reker, loff, majones, dill og pepper,
og vin sjølvsagt.
lurar på om ikkje me må ha litt jordbær til dessert.
me må kose oss medan me kan.
***
ha ei fin helg,
og ei retteleg flott 17 mai
alle saman.

Verdifull

den summen du er blitt

gjennom all din

menneskelige erfaring

og gjennom livets furer

*

den summen er det

som gjør deg verdifull

ikke drømmene om hva du kunne ha blitt

eller burde være

eller aldri ble

men deg

slik du er nå,

slik er du verdifull.

Tove Houk

Harmoni

på kjøkkenbenken står ein trekasse med bestikk

 som kjem fra barndomsheimen min.

sølvfarga og blankt med fint mønster.

dette vart kun brukt til "best" når eg var liten.

*

knivar med kvite skaft.

lurer på om dette eigentleg er fruktknivar,

men heime vart dette brukt til middagsbestikk.

*

søte teskjeer har også fått plass i kassen.

bestikk og kasse står til pynt, 

men er også i bruk.

eg likar å bruke tinga eg omgir meg med.
*

egga står klare på kjøkkenbenken i ei korg av streng.

fine til pynt samstundes.
*

nye kvite knottar med sølv.

må berre finne ein kommode å ha dei i.

desse finn du også her.
*

blonder og blondedukar som eg fann på loppemarked sist helg.

det er så kjekt å finne slike fine ting,

og når eg fekk vaska og strøket dei

 så vart dei fine som nye.
*

ei søt eldre dame kom innom butikken 

og lurte på om eg kunne bruke desse dukane. 

dei var litt i stykker, 

men om eg kunne bruke dei til noko 

så slapp ho og kaste dei.

klart eg kunne bruke dei, 

og eg  vart kjempeglad for at det finns så snille mennesker.

*

fine blomen på ei grein som eg plukka med meg ein dag ute på tur.

eg veit ikkje kva det er, men fine blomar var det ivertfall.
*

kvitt ilag med grått og sølv

 er harmoniske fargar som gir ro i sjela.

*

Mønster

måndagstema i dag er mønster,

og det er noko som eg er oppteken av.

eg som elskar å sy burde vere flink til å bruke eit mønster,

men det er eg ikkje.

derimot så er eg veldig glad i mønster på stoffa.

*

nydelege blomemønster på desse nye flotte stoffa

som skal bli eit teppe.

kanskje til ein baby som ikkje er fødd enno.

*

bilete "as time goes by, 1 & 2"
*

fleire måndagstema finn du her .

Vil du helse på Tinni?

me har besøk av tinni i helga,

og han er ein border collie gut på 11 mnd.

han er på besøk for å sjå om me

kan passe til å vere fosterforeldre for han i eitt år.

den store bøygen er rasmus pusen,

og om han vil godta han.

i går kveld låg rasmus i loftstrappa

og prøvde å stirre tinni i senk...

*

tinni er ein roleg og snill hund,

og ligg heilt i ro om rasmus viser seg,

men eg ser han har veldig lyst til å helse på.

*

tinni likar at det skjer noko,

og min kjære rota fram ein volleyball

som dei spela fotball med.

(plenen er klipt etter at bilete er tatt, altså,hehe)

så nå får me kanskje eit nytt familiemedlem:)

***

ha ei fin helg alle saman!!!