Empire Falls

På onsdag og torsdag gjekk denne

nydelege miniserien på NRK 1.

Den kan eg anbefala på det varmaste.

Flotte skuespelarar, varmhjarta historie

og ei flott stemning gjennom heile serien.

Eg skal lese også boka, har eg tenkt.

***

Dette skriver Filmfront om miniserien:
"Empire Falls" er et portrett av det røffe dramaet
og den menneskelige komedien som utgjør livet i arbeiderklassens USA.
Richard Russo fikk Pulitzer-prisen for romanen
og har selv tilrettelagt historien for TV.
Hver dag kjemper den godhjertede restaurantsjefen Miles Roby
for å holde liv i sin Empire Grill,
selv om den rike og mektige fru Whiting gjør ting vanskelig for ham.
Ved siden av å hanskes med fru Whiting må Miles også holde styr på faren Max,
som alltid havner i bråk.
Men Miles har større ting å tenke på enn restaurantdrift
og en kranglete far – han sliter med minner fra en tragisk fortid
som med ubrytelige bånd binder skjebnen.

Litt finjustering..

..måtte til i dag.

*

Når eitt år har gått,

og talet forandrar seg fra 39 til 40.

Då er det mange tankar som fer gjennom hovudet.

*

Litt rart og vemodig, men mest fint.
*

Det er ikkje akkurat kroken på døra.
*

Meir ei undring over kva vegen vidare byr på.

*

"Du skal ikkje vere lei deg for at du blir eldre.

Det er eit privilegium ikkje alle får oppleve"

*

Ha ein fin dag du som kikkar innom.

*Sommarklem H*

Kanelboller og andre boller

I idylliske Vikebygd ligg Plassabakeriet,

eller "Plasset" som me seier,

og der får du kjøpt verdens beste snurrekanelboller.

Bollene vert baka i det gamle bakeriet i vedfyrt omn.

*

Inni det vesle raude bakeriet står Bjørn og steiker boller

kvar laurdag heile sommaren.

Du kan lese meir om Plassabakeriet her.

Er du på dei kantar ein sommarlaurdag

så er det verdt å ta turen dit.

*

Eg ser at, jammen meg, er det over ei veke siden sist innlegg,

dagane og vekene fer fort avgarde.

Det er mykje som skjer,

og nå er det planlegging av 2 x 40 års feiring til helga.

Mat skal lagast ( eg har baka 130 rundstykker, resten av maten vert laga på fredag),

bordekking skal tenkast ut, pynt skal finnast fram,

underhalding skal planleggjast, og mykje meir er det å tenkje på.

Kaker kjem snille gjester med, så eg skal berre lage 1 kake sjølv.

Me håpar det vert ein kjekk og koseleg fest for familie og venner.

Feira det som feirast kan, er mitt motto:)

*

Elles er eg på Frøken Fryd om dagane,

og har meir enn nok å gjere der også.

Det har vore ein travel sommar

med masse koseleg mennesker innom.

Nå er det begynt å komme litt nye varer,

noko er påfyll som snop, pukka te, såper og anna kjekt,

men litt nye ting er også komen til.

Meir kjem uti august og utover hausten.

Gave og interiørmessa skal me på 20-23 aug,

og eg gler meg til å plukke ut nye ting til butikken,

og ikkje minst julevarer.

Eg føler det er litt tidleg å tenke på det nå,

men skal det bli julestemning i butikken

så må det bestillast nå.

Eg håpar at me kan ha sommar ei stund til,

men dei siste vekene har det regna noko så vannvittig her vest.

I dag har eg sett solgløtt, og temperaturen har steget litt.

Eg kryssar fingrane for at sola og varmen er på veg tilbake.

*Sommarklem H*

Vinduspynt...

....kan vere så mykje. i kjøkenglaset står to vasar fra Fretex med rosa blomar,

*
medan eine stoveglaset har fått stein som pynt.
*

på rekkje og rad fra ei strand i Danmark.

*

fine sommarferieminne.

Sommarkjole

Eg har kjøpt meg ein lett og luftig sommarkjole,

og den kan brukast både som vanleg kjole

eller under ein annan kjole.

*

Små detaljar likar eg,

og søtare sikkerhetsnål enn dette skal du leite lenge etter.

Merkelappen med blonde var festa med denne,

og slike tar eg vare på:)

*

Akkurat nå er det ikkje tynn sommarkjolever,

med regnbyger og torden.

Men innimellom er sola framme

og temperaturen er fin.

***

Eg håpar du kosar deg der du er,

og at sola skin.

Klem H

Glansbilete...

...samla eg på når eg var liten,

og nå er det mange år siden eg har sett på dei.

Glansbileta mine ligg i ein stygg, mørkeblå plastperm,

men inni er det sirlig orden.

*

Heile ark med glans ligg i plastlommer med skilleark.

Eitt ark på kvar side.

Pluss at det var ein heil masse med lause glans også.

*

Desse med babymotiv syntes eg var fantastisk nydelege.

Eg var veldig opptatt av babyar som liten,

og kunne ikkje sjå meg mett på desse søte bileta.
*

Desse trur eg at eg fekk ein

gong mamma låg på sjukehuset.

Eg er ikkje heilt sikker for då var eg ganske liten.

Herlege motiv.

*

Eg samla på dei fleste motiv,

og blomar var det i alle fasongar.

*

Dette er ganske tjukt og er brunt på baksida.

Dei var ekstra verdifulle om ein skulle bytte.

For me bytta jo glans med kvarandre,

og somme tider skreiv me helsingar på baksida.

Det var om å gjere å få tak i gamle glansbilete,

og me var litt misunnlege på dei som hadde fått glans

etter ei tante eller mor si.
*

Desse alveglansa syntes eg var vakre,

og drøymde meg aldelesen vekk

i dei nydelege figurane.
*

Dyr har eg alltid vore glad i,

og det vart nokre glansbilete med dyr også ja.

*

Det er koseleg å sitte og sjå på glansbileta

som eg hadde som lita jente,

og den same gode kjensla i bringa kjem

den dag i dag, når eg ser på dei.

Eg har ikkje så mange leiker fra når eg var liten,

så difor er eg veldig glad i desse.

*

Eg syntes englane med lyst hår var dei finaste,

og det var jo sørgeleg når eg då var mørk i håret,

medan syster mi var lys...

Så skrekkeleg kan livet vere når ein er 4-5 år.

*
Her er nokre idèar til kva dei kan brukast til.

*

Ei enkel kvit ramme, ein gamal tapetrest

og eit glansbilete.

Vips, så har du eit flott bilete.
*

Her har eg sett ei heil remse inni ei enkel ramme.

Dei er jo så fine.
*
Inni ei gamal ramme.
*

Dei kan brukast på kort...

*

....og på ein merkelapp.

*

Husk.

Grip dagen.

Når sommerdagen ligg utover vannet...

...og du og eg har funne oss ei strand...

*

(bilete er utsikten fra terrassen utover Skjoldafjorden, fredagsmorgon)

*

Det gjere me kvar kveld,

og temperaturen i sjøen er nærast pisselunka

som me sa som ongar:)

*

*Ha ei fin og god sommarhelg du som kikkar innom*

Klem H

Vidunderlege sommarkveldar...

...og dagar,

men dei får eg ikkje nyte på samme måten,

siden eg er på jobb nesten kvar dag.

På terrasse er det herleg å vere om kvelden,

men på dagtid er det altfor varmt i solsteiken.

Eg har nå kjøpt solseil som eg skal prøve å sette opp,

og sjå om det kan gi litt skugge.

*

Rasmuspusen søkjer skugge under bordet på terrassen,
og eg likar å stulle og stelle der ute,
med blomar og nips og naps.
*
Denne lykta trong ei oppussing,
og etter at glasa var tatt utav og skrubba,
så fekk ho eit par omgangar med sinkspray.
Nå er det ei sommarlykt i staden for ei julelykt.
*

Om ettermiddagen etter jobb køyrer me til Ålfjorden

og Skjeljavika for å bade.

Det er ein fredeleg plass med sol langt utover kvelden.

Til mi store lukke så oppdaga eg at blåbæra var modne.

Eg må berre hugse å ta med noko å plukke i, neste gang.

Ein vert ganske mett av å spise blåbær...

Rop på sommer`n, så kommer`n...

...og jammen meg så hjalp det å rope.

Her er det sommer, sol og varmt,

og med 26 grader i skuggen så er eg fornøgd.

Sjølv om eg er på jobb så er det flott med fint ver:)

*

På laurdag klarte eg å få med meg 2 loppemarknadar,

først på Stemnestaden i Grinde og så i Vikebygd

der dei selde ut ting fra gamleskulen i lag med "Vikebuen".

Eg fann masse fint og var så fornøgd.

Plansjen over kjøpte eg i Vikebygd.

Eg kjøpte 1 plansje til, 1 stort kart, 2 bøker

1 koffert, 1 sausenebb, 1 ramme og 1 gamal stol fra skulen.

*

På Stemnestaden var det eit stort loppemarked i fleire hus og ute.

Der var eg på jakt etter gamle dukar, blonder og div tekstil.

Eg fann masse fint, og duken over er der fra.

Den er handbrodert i nydelege sommarfargar,

og har ei brei kniplingsblonde rundt kanten.

Elles fann eg 4 overlaken med innfelt blonde,

3 putetrekk,

masse små broderte og hekla brikker,

5 store broderte dukar med blondekant,

2 kvite gamaldagse forkle,

1 linhandkle,

1 sausenebb,

2 små noregsglass,

1 kakeboks

og sikkert noko eg ikkje kjem på.

Dette er skattar som eg skal bruke til mykje kjekt,

men ein del ting er så flotte at dei skal få vere slik dei er.

*

Her vest har me hatt fint ver lenge,

men det har vore vind og ikkje noko varme.

Denne veka kom sommarvarmen

og då er det koseleg å pynte ute på terrassen.

Pilstativet har eg fletta,

og i krukka har eg planta ein klematis

som kan få klatre på stativet.

På bordet står eit lite oliventre

som eg kjøpte for gåvekortet eg fekk av 10.kl

etter maledagen eg hadde ilag med dei.
*

Peoner er så nydelege,

og eg har hatt fleire bukettar i sommar.

Eg har ei plante ute i hagen,

men den prøver Rasmus, etter beste evne,

å ta knekken på.

Nå står det berre ei stakkar pjuskete grein igjen...

Rampepusen*
*

På St.Hans, som også er bryllupsdagen vår,

ba eg med min kjære ut på middag.

Me tok turen til indre kai i Haugesund,

og spiste middag ute på N.B.Sørensen.

Det var eit nydeleg ver,

og herleg å sitte ute på kaien og nyte maten,

kikke på alle folka, og berre slappe av.

(maten var god, men servicen var ikkje noko å skryte over)

I går etter jobb drog me på badestranda,

bilete nede til høgre.

I Skjeljavika er sola til kl 22 om kvelden,

og då er det fint å gå der etter jobb, ta med mat, lesestoff,

og nyte sola og slappe av i nokre timar.

Eg bada ikkje i går, men det skal eg i kveld...

Juhu:)

Ha ein flott dag,

og håpar sommaren er komen til deg også.

*

Klem*

Bryllupsdag

*Atterklang*

Første gongen eg møtte deg-

kor kunne eg skilja og sjå

at ingenting mindre enn

livet mitt var det som byrja då!

Det som var varmt og mjukt i meg

det som skulle veksa og vara

klang ikkje ut til fullnads

før hjarta ditt svara.

Sigmund Skard

Helg...

...igjen,

og fredagskvelden

som er den beste i veka

skal nytast etter at eg,

og forhåpentlegvis min kjære,

har vaska huset til helga.

*

I morgon er det dobbel 40 års dagsfeiring igjen.

Me spring i bursdagar annakvar helg for tida,

men det er veldig koseleg.

I morgon er det bestevenninna mi og mannen hennar

som skal feirast ute på hytta deira.

Det gler me oss til.

*

Får berre håpe at regnet stoppar

og at sola kikkar fram,

siden me skal vere ute.

*

I dag har det bøtta ner,

og det var kaldt å gå i sandaler og berre tær,

men er det sommar så er det sommar...

Brrr, 10 grader i dag...

*

Slik såg det ut tidlegare i dag.

*

Ynskjer alle ei fin og god helg,

og masse SOL.

Søndagstur

Søndag reiste heile familien på biltur til Holdhus i Eikjelandsosen,

der me skulle besøke søskenbarnet til svigermor.

Holdhus må vere ein av jordas mest fredelege plassar,

og skuldrene senka seg med ein gong eg gjekk ut av bilen.

*

Huset til Aud ligg på ein høgde ovanfor kyrkja,

i ein nydeleg gamal overgrodd hage.

Akkurat slik eg elskar, og gjerne skulle hatt sjølv.

Det gjorde godt for både kropp og sjel

å tilbringe nokre timar i, og utanfor dette huset.

*

"glede finner du i

hverdagens små

øyeblikk"

så var mandagen her etter ei travel helg.

eg og frøken fryd har vore i sveio på marknad

både laurdag og sundag.

det er kjekt å få presentere butikken for nye kunder,

og det er slett ikkje langt fra sveio til skjold.

eg hadde med meg mykje forskjelleg,

og det såg ut som utvalet falt i smak.

i dag var det å få ting på plass, og rydde litt i butikken.

*

eit par nye kjolar er blitt til også.

ein rosa og søt barnekjole,

og ein romantisk grå kjole til sommarfesten

for ei søt dame.

kjolane finn du her
*

sommarfuglcollage og lavendelsåper

innpakka i ark fra ei bok fra 1895,

pynta med hyssing og sinkkors.

*

i dag tidleg skein sola fra klår himmel

og fjorden låg speglblank,

men nå har det sky over.

eg har tenkt å plante litt

og gjere noko i hagen i ettermiddag,

så eg håpar sola kjem fram igjen.

*

dagane og kveldane går altfor fort på denne tida av året.

eg vil gjerne bestille nokre ekstra timar mellom kl 18-23...

*

så vil eg ynskje alle ei fin og god veke,

og vips, så er det helg igjen.

***

på onsdag skal eg og min kjære til

bergen på konsert med "the boss",bruce springsteen.

*gjett om eg gler meg*