Lopper

Det var skrekkeleg vanskeleg å velge ut

kva som er mitt beste loppefunn til NIB si oktoberutfordring,

fordi akkurat når eg har kjøpt ein "ny" ting

så er det den som er best, hehe.

***

Denne lampen kjøpte eg for nokre år siden på ein av

Misjonselskapet sine gjenbrukstasjonar.

Enkel og rein i forma og knallfin grønfarge.

Berre synd at han har ein del malingsprikkar på seg.

Denne bittelille pusekatten i porselen

kjøpte eg på laurdag på loppemarkedet her i Skjold.

Masse, masse flotte lopper til kjekke prisar.
***

På laurdag fann eg 2 til av lysestakane/vasane som eg samlar på,

og stetteskåla i midten.

Eg vert så glad når eg finn desse fantastisk fine tinga

på loppemarked og gjenbrukstasjonar,

så smalinga mi veks jamt og trutt.

5 kr stk. betalte eg,

og det kan eg vel kalle eit kupp:)))

U for ugle

Eg likar ugler,

små,

store,

i glass,

keramikk,

tøy,

levande,

men ikkje utstoppa....
*

Desse fine kvite uglene kjem fra Madam Stoltz,

og har hol til vanlege lys og små juletrelys.

Finfine:-)

UGLEbokstavane fås kjøpt ein og ein,

og så kan du skrive det du vil.

GULE eller GLUE...

Har heile alfabetet utanom ÆØÅ

***

Søt ugleknagg som også finns i rosa,

og som magnet.

Kjekt å ha !!!

***

Til opplysning:

Laurdag 2. oktober kl 12.00 - 16.00

er det stor LOPPEMARKNAD

på Skjold Arena i Skjold v/ E 134

ca 2-3 mil aust for Haugesund.
***

GOD HELG

Helga er her....

....igjen.

***Sist helg var eg og min kjære i Bremen saman med 3 vennepar,

og nå er det jammen meg helg igjen.

***

Bilete over viser eitt av dei flotte veggorda

eg har fått inn på Frøken Fryd.

Eg har 15 forskjellige fine ord til soverom, kjøkken

gang eller stove.
***

Kjempeflott rustikk hjarta med 10 små knaggar

til å henge kort, smykker, mm på.

***

Supersøte boksar fra Greengate.

Småkakene har nok lyst til å bu oppi her,

eller kanskje sysakene skal få plassen sin der.

Boksar kan me aldri få nok av, eller???
***

Den øverste lattekoppen er ny i haust.
Lyseblå Millie.
Akk så søt,
og passar så godt saman
med resten.
***

Nydeleg kjoletunika fra Bloomingville

i ein flott lyngfarge.

Denne er romsleg og god,

og er også fin med eit belte i livet.

***

Nye varer kjem nesten kvar dag til min vesle butikk.

Kjempekjekt å pakke ut nye ting.

***

Nå skal me snart sette oss i bilen og kjøre til fjells.

Helga ser ut til å bli fin,

og eg likar fjellet best utan snø.....

***

GOD HELG

Stol på meg

Gamle stolar og krakkar fra loppemarked kan trenge ei fornying.

Dette treng ikkje koste ei formue,

men krever ein liten eigeninnsats.

***

Denne enkle stolen fekk eg av ei dame,

og den trengde ei lita oppussing.

Eg skrudde av armlen og bein som heng i eitt,

og gav dei eit par strøk kvitmaling.

Det var det eg hadde for handa akkurat då.

Stoffet stifta eg på under og bretta det til i kantene.

På baksida av ryggen bretta eg stoffet inn og spikra det fast.

Enkelt og greit.

Skal ikkje fortelje at eg greidde å skru beina på bakfram,

og at det var ganske tungt, både å skru utav og inni, desse skruane.....

Stolen sto ikkje høgt i kurs då, nei....
***

Krakken kjøpte eg for 20 kr på eit miniloppemarked,

og brukte eit kjøkkenhandkle fra Bloomingville

til å fornye trekket.

Denne er av den høge typen og veldig god å sitje på.

***

Fleire koselege og nostalgiske skilt, og evighetskalenderar,

er komen inn i butikken.

***

Mandag, ny veke og nye mogelegheitar.

Dilla på skilt

Eg har dilla på skilt og fine ord,

så når eg fann ein leverandør som hadde skilt med fine ord på

så var eg seld.

***Hjå Frøken Fryd er det nå eit relativt

godt utval i skilt med fine og,

eller morosame ord.

Her kjem eit lite utval.

***

Skilta kostar fra 49,- for dei minste

til 149,- for dei største.

***

***

Denne er fin.....
***

og denne....hehe
***

Dette under her er min kjære sin favoritt.

Kan ikkje skjøna det.
***

Ha ei nydeleg helg:)

I`m dreaming of a....

...ja kva drøymer eg om?

Det er så mykje forskjellig,

noko realistisk og noko meir urealistisk,

men draumar må me ha.

**I går pakka eg ut masse Greengate varer,

og alt er like nydeleg.

Bella vintage er verdens søtaste vekkerklokke.

Den vert berre til pynt hjå meg,

fordi eg må ha ei klokke som ikkje tikkar

og med med roleg ringing om morgonen.....
***

Søte miniutgave av lattekoppar og handvask.

Her kan det meste stå i stil.
***
Muffinsformer på stettefat med prikkar og blomar.
Muffinsane smakar nok ekstra godt når dei er baka i slike søte former:)
***

Millie White er nytt for sesongen,

og passar fint inn med lyseblått, raudt og beige.
Kopp og tefat, asjett, lattekopp, skåler, skjei og fløytemugge.

***

Millie fløytemugge.

Nydeleg med ein liten blomebukett oppi.
***

Flotte ildfaste former, 2 i settet.

Uglabugla ville også vere med.
***

Masse fint i koppar og kar, koselege serviettar,

og romantiske dukar og handkle.
***

Tekstilane i haust er i nydelege fargar og mønster.

Frøken Fryd har masse kjøkkenhandkle, brikker, løperar og store dukar.

Koseleg Millie picnic boks i metall.
***

Prikkeband i to breidder i beige, raudt og lilla.
***

Dette var litt av det eg har fått inn fra Greengate.

Ein god del er av det eg bestillte er ikkje komen,

så eg håpar det kjem om ikkje altfor lenge.

***

Ha ein fortsatt fin dag du som kikkar innom:))

Handletur

Så er eg attende fra ein kjempekjekk,

travel og inspirerande tur på Formlandmessa i Herning.

Eg har handla inn masse fine, søte, tøffe, koselege, nostalgiske og fantastisk flotte

saker og ting som kjem inn no snart og vidare utover hausten.

**

Biletcollage over er fra Frøken Fryd.

Biletcollage fra Madam Stoltz og Krasilnikoff
Eg var å handla hjå mine faste leverandørar
og har i tillegg knytta til meg ein del nye leverandørar,
og det kjem inn masse flotte skilt, veggord, band og blonder,
sink, småmøbler, julepynt i alle variantar, korthaldarar, bokstavar,
smykkestativ, lysestakar, lys, serviettar, rammer, lyshus, lysekruner, puter,
voksduk m. juleevangeliet, klokker, madonnafigurar,
englar, vasar, knagg, knottar, skuletavle, trekassar, adventstall,
fat, boksar, krukker, skjerf, vesker, englevinger, dukar, greengate
og ein heil masse til.
***
Me koste oss med god mat og drikke, både på dagtid
og kveldstid, me fekk også tid til å handle litt,
og besøke den nydelege butikken Moster D.
På messa kom min kjære i snakk med eit koseleg par
som venta på tur til å handle hjå Bloomingville,
og det viste seg å vere innehavaren av Emmas Verden.
Veldig koseleg å treffe på dykk.
****
Tilbake heime igjen så er hausten verkeleg komen
med skikkeleg regnver og mørke kveldar.
Då er det koseleg å krype opp i sofa`n med eit pledd
og lese, eller kikke på ein av seriane som er byrja igjen på tv.
Eller gjere som meg, endeleg komme i gang med maleprosjekta
som det ikkje vart noko av i sommar....

Ut på tur...

I morgon tidleg dreg eg og min kjære til Danmark og Formlandmessa i Herning.

Der satsar eg på å få julestemning i løpet av helga....

Masse fint skal handlast inn til butikken av haust- og julevarer.

Gler meg stort.
*

Heldigvis så har eg ei snill og kjekk syster og svigerinne som skal vere på

Frøken Fryd for meg i helga.

Hus -hund - og kattepassar er også på plass.

Då kan eg slappe av og kose meg på tur.
So long....

GOD HELG

A home without a cat is just a house.... Otto og Tiger ønskjer deg ei fin og god helg.

Ei vakker bok

Den nydelege inspirasjonsboka "Lev Vackert" kom i dag.

*** Her er mange svenske og nokre norske bloggar presentert,

du finn inspirasjon, gode idear, oppskrifter og nydelege bilete.

Alt delikat presentert i denne vakre boka.

Boka får du nå kjøpt hjå Frøken Fryd

Etnemarknaden

Denne helga er eg og Frøken Fryd å finne på Etnemarknaden.

Siden eg er med på kunst og handverkutstillingen

så er det berre ting eg har laga sjølv som er med.

*

Eg har mala ein del nye akrylbilete, nokre nostalgiske collage,

sydd mange nye puter, og litt småting som ugler,

pynta fyrstikkesker, notisbøker og esker.

***

Eg var der inne i går fra 10.00 -19.30,

medan min kjære var på butikken.

I dag har me bytta.

***

Her er det puter i duse fargar og meir fargeglade,

med nostalgiske englar og spreke badedamer,

eller klokkestreng og heklebrikker.
***

Søte puter i pudderfargar.
***

Akrylbilete i duse fargar og med fin tekst.
*

I morgon og søndag er det også ope.

Har du lyst til å ta turen inn til Etne,

så er du hjarteleg velkommen.

***

Vil du lese meir om Etnemarknaden

så kan du gjere det HER

Koselege Patina...

...var eg og min kjære på besøk hjå på søndag.

Me reiste innover mot Hardanger etter jobb og litt pakking på laurdag,

og kom til Voss på kvelden der me overnatta.

*

Søndag etter frukost på hotellet,

så satte me nasen mot Evanger for å finne Patina.

***

Evanger må vere Noregs koslegaste småstad,

med idylliske hus og verdens finaste kunstkafè.

Bak disken sto desse 2 søte damene, Torill og Hilde.

Nede er det kafè og butikk, og på loftet er det enda meir butikk.

Eg fann meg nokre fine ting som eg har gløymt å ta bilete av,

men det får komme ein annan gong.

*

Når me hadde reist så langt så me gjorde

så måtte me jo ha litt mat.

Nydeleg brød baka på Patina med spekepølse fra Evanger

og spanande ost.

Delikat tillaga på tallerken,

og ikkje forgløyma den herlege hylleblomsafta

servert i barndommens sennepsglas.
*

Eg måtte ha meg fleire rundar rundt i lokala og kikke.
***

Her er det meste for sal,
også bord og stolar i kafèen.
*
Før me etter eit par timar burde tenke på heimveg
så måtte me smake på kakene dei serverte.
Eg ville smake scoones med heimelaga sitronsmørkrem,
som smaka himmelsk, og caffe latte.
**
Min kjære spiste ikkje mindre god brownies og cappucino.
Gode og mette i magen, vende me nasen,
noko motviljug, heimover.
Tusen takk, Hilde og Torill,
me kjende oss heime hjå dåke.
(Takk også til mannen til Hilde for omvisning i campingvogna)
***
Er du på den kanten, sving inn
til Evanger og Patina.
Der får du ei kafèoppleving litt utanom det vanlege.