Haustlege syssler

Teppet eg sydde for litt sidan er jammen meg ferdig.

Det var lurt å vise det her,

og då ha litt press for å få gjort det ferdig.

Inni teppet er det mjuk platevatt, og flanell på baksida.

Quilta med knutar på lettvint måte,

og lukkekant rundt,

så vart det ferdig fortare enn eg hadde trudd.

*

Det hjalp likevel ikkje å sitte under eit varmt teppe

og sy lukkekanten på for hand på baksida,

når Herr Frost kjem på besøk.
*

Eg fekk meg ei lei forkjøling,

og måtte vere heime fra jobb nokre dagar.

Heldigvis har eg ein supersnill og flink mann

som gjekk på jobb for meg.

*

Det hjelper faktisk med kakao og krem i koseleg Mummikopp,

ivertfall på humøret.

Eg hadde ein som passa godt på meg heime,

og det var Rasmuspusen.

Låg eg i senga så kraup han inntil meg, og sov godt.

La eg meg ned på sofa`n så la han seg oppå beina mine,

og gjekk eg opp for å sjå litt på tv så var han med trofast som alltid.

Det kan jo også vere at han var så glad

for at eg var heime midt på dagen, hehe:)

*

* Søte og fine Rasmus*
*
Elles går livet sin vante gang,
og regnet er tilbake etter nokre dagar med frost.
Haust er sytid,
og eg har rota fram masse stoff
som eg håpar skal bli lappetepper.
Å sy tepper er ein fin måte å få brukt opp
litt av stofflageret på....
Eg har også meldt meg på ei symysterium hjå Nina
med bloggen 9na`s smutthull.
Kikk innom og sjå om det er noko du vil vere med på.
*
Ha ei fin og god helg du som kikkar innom*