"Surrehåve"

" Surrehåve" er eit dialektord for å vere litt vimsete,

og det kan eg vel kalle meg i dag.

Eg sto opp tidleg, kl 06.30 i dag fordi Marie

skulle på besøk på vidaregåande skule,

og måtte ta bussen kl. 07.00.

Eg hadde god tid til eg skulle til fysioterapitimen min kl 08.30.

Dei som kjenner meg veit at eg er ofte litt seint ute,

men i dag var eg overraskande nok ute i god tid,

og sat på venterommet og venta i ca 10 min

då eg byrja tenke etter kva dag det var.

Hmm, er det onsdag eller torsdag i dag?

Joda det er onsdag for Marie er i by`n på skulebesøk.

Hmmm igjen, men det er jo torsdagen eg er til fysioterapi.

Gjett kven som stiltra seg ut døra før nokon oppdaga meg.

Jepp det var meg.....

Så i staden for å bli knødd i nakken

så vart det frukost og avislesing til eg kunne gå på jobb.

På jobb var det travelt i dag,

og eg storkosa meg.

Eg likar å ha det litt travelt,

oghjelpe kundene til å finne akkurat den

tingen dei ikkje visste at dei var på jakt etter,

små snakke litt om laust og fast,

og pakke inn gåver.

Det er meir og meir julegåver eg pakkar inn,

og det er så koseleg å lage fin innpakking.


Etter jobb kjørte eg til by`n
for å vere med Marie å handle litt kler.
Det er ofte eit kapittel for seg sjølv.
(ikkje sant Malin)
Ho hadde god tid til å kikke før eg kom,
men ho har litt problem med å bestemme seg
for kva ho vil ha...
Ho enda opp med ein fest topp/tunika/kjole,
ei hettejakke,, og litt småting,
men ikkje sko som det var meininga at ho skulle kjøpe.

Eg skulle ikkje ha noko,
men enda opp med 2 skjerf,
og ein svart lang bluse/tunika.
*kjekt for meg*
Då har eg litt nytt å pynte meg med på laurdagskvelden
når me skal ha 4 vennepar på middag og kos.
Gler meg.
Eg likar godt å lage til selskap,
eller ha besøk av gode venner,
og lage til litt god mat
og berre kose oss.
Då er det ekstra godt å leve.
*
Ha ein fin dag du som kikkar innom.
*Klem*